आर्वी : दिनांक १ मे २०२५ आर्वी येथील राष्ट्रवादी काँग्रेस पार्टी (अजितदादा पवार गट)आर्वी विधानसभा अध्यक्ष दिलीप पोटफोडे यांच्या नेतृत्वात राष्ट्रवादी काँग्रेस पार्टीचे राष्ट्रीय अध्यक्ष तथा राज्याचे उपमुख्यमंत्री अजितदादा पवार यांच्या संकल्पनेनुसार प्रदेशाध्यक्ष सुनिल तटकरे यांच्या आदेशानुसार, वर्धा जिल्हाध्यक्ष शरद शहारे यांच्या मार्गदर्शनात राष्ट्रवादी काँग्रेस पार्टी चे आर्वी येथील दिलीप पोटफोडे यांच्या जनसंपर्क कार्यालयात सायंकाळी ७ वाजता कामगार व महाराष्ट्र दिनानिमित्त कार्यक्रमाचे आयोजन करण्यात आले. यावेळी संयुक्त महाराष्ट्र राज्याच्या लढ्यात हुतात्म्य पत्करणाऱ्या १०६ हुतात्म्याना स्मरण करून वंदन करून त्यांना राष्ट्रवादी काँग्रेस पार्टीच्या पदाधिकाऱ्यांनी श्रद्धांजली अर्पण केली .
तसेच महाराष्ट्र राज्याला खऱ्या अर्थाने आपल्या परिश्रमातुन प्रगतीकडे नेणाऱ्या वेगवेगळ्या क्षेत्रात काम करणाऱ्या कामगारांचा देखील सन्मान करत सत्कार करण्यात आला. यावेळी गवंडी कामगार राजेशभाऊ येडणे, विजयभाऊ शिरपूरकर, जिनिंग प्रेसिंग कामगार जयंतभाऊ गभने,बांधकाम कामगार गणेशभाऊ मुने.श्रीधरभाऊ चतुर, गजाननभाऊ अतकरी, आरोग्य विभागात कंत्राटी सेवेत असलेले वासुदेवराव सपकाळ, माथाडी कामगार कैलासभाऊ मिसार, इतर कामगार म्हणून कामगार असलेले मोहनभाऊ पोथीवाल, विठ्ठलराव शेरेकर, सालारभाई सौदागर, सिद्धार्थभाऊ कळंबे यांचा शाल श्रीफळ व पुष्प गुच्छ देऊन राष्ट्रवादी काँग्रेस पार्टीचे विधी सल्लागार ऍडव्होकेट विशालजी पुजारी,असंघटित कामगार विभाग जिल्हा उपाध्यक्ष. श्री. अशपाक शेख, आर्वी तालुका अध्यक्ष श्री अशोकभाऊ धानोरकर, आर्वी शहर अध्यक्ष श्री. दिलीपकाका बोरकर, जिल्हा उपाध्यक्षा शुभांगीताई कलोडे, आर्वी तालुका अध्यक्षा माधुरीताई सपकाळ, कामगार तालुका अध्यक्ष रामचंद्र मारबते यांच्या हस्ते शाल श्रीफळ व पुष्प गुच्छ देऊन सत्कार करण्यात आला. तसेच यावेळी कामगार कल्याणा साठी सतत काम करणारे गवंडी बांधकाम कामगार संघटनेचे उपाध्यक्ष संजय डोंगरे सचिव सुरेंद्र वाटकर यांचा सुद्धा शाल श्रीफळ व पुष्प गुच्छ देऊन सत्कार करण्यात आला. व सर्व कामगारांना कामगार दिनाच्या शुभेच्छा देण्यात आल्या.
*आर्वीत राष्ट्रवादी काँग्रेस पार्टी (अ. प .) कडुन कामगार व महाराष्ट्र दिन साजरा*
