पुलगांव :- श्री गुरुदेव सेवा मंडळ गांधीनगर पुलगाव श्री विठ्ठलराव पवार यांच्या अध्यक्षतेखाली वं. राष्ट्रसंत तुकडोजी महाराजांची ५६ वी पुण्यतिथी आणि मंडळाच्या वतीने ५३ वी पुण्यतिथी दिनांक २८ आणि २९ डिसेंबरला ला उत्साहात आणि आनंदात पार पडली. कार्यक्रमात
याप्रसंगी महाराजांच्या प्रतिमेचे पूजन सन्माननीय दामोदरराव गोतमारे यांच्या हस्ते झाले.
सामुदायिक प्रार्थनेच्या विषयावर ग्रामगीताचार्य श्री प्रमोद भोंगे यांनी आपले विचार व्यक्त केले .आणि चिंतन विचार सौ. माधुरी ताई रा.ढाकुलकर ग्रामगीताचार्य त्यांनी मांडले.
गुरुदेव सेवा मंडळाच्या सदस्यांनी ग्रामसफाई, महाराजांची प्रभात फेरी आणि मान्यवरांच्या हस्ते राष्ट्रसंत तुकडोजी महाराजांच्या पुतळ्याचे विधीवत पूजन प्रकाशजी निनावे, गणेश मुनेश्वर यांच्यातर्फे करण्यात आले.
ह.भ.प. श्री प्रदीपराव महल्ले ग्रामगीताचार्य यांनी गोपाल काल्याचे सुमधुर वाणीने किर्तन सादर केले.
या कार्यक्रमाला विशेष पाहुणे म्हणून पुलगाव पोलीस स्टेशनचे पोलीस निरीक्षक सन्माननीय सोनवणे साहेब यांनी सुंदर विचार मांडले..
मानव पशु योनीतून आला l नराचा नारायण होणे त्याला l यासाठीच संस्कार देऊनी सावरला l क्रमाक्रमाने ll
महाराजांची प्रार्थना आणि ग्रामगीता जर आपण आपल्या जीवनात उतरवली तर मनुष्य जन्माचे सार्थक झाल्याशिवाय राहणार नाही आणि आमच्या पोलीस खात्याची सुद्धा समाजाला गरज राहणार नाही इतक सुंदर जीवन आपण या प्रार्थनेच्या माध्यमातून घडवू शकतो.
डायमंड मोटरचे संचालक श्रीमान रज्जाक बेग यांनी सुद्धा माणूस धर्मच हा सर्वात श्रेष्ठ आहे, माणसाने माणसाशी माणसासारखं वागाव, यामध्ये कुठला जाती धर्म भेद ठेवू नये, आणि आपल्या जीवनाच कल्याण करावं.
पुण्यतिथीच्या निमित्ताने सन्माननीय सौ सरोज भाऊरावपंत राजकुंवर, श्री प्रमोद परटक्के सर, श्री अशोक दादा भगत, सिरसकर महाराज यांनी आपले विचार व्यक्त केले.
कार्यक्रमाला यशस्वी करण्यासाठी सन्माननीय सर्वश्री गणेश मुनेश्वर, वामनराव डेहनकर, सुनील कुडे, उद्धव नारखेडे, राजाभाऊ सोईतकर, प्रभाकरराव दिघेकर, गौरव कथलकर, विजय भोंगे, शंकरराव खानजोडे, सचिन गांडोळे, अशोकराव डोंगरे सर, ज्ञानेश्वर वाघ, गजाननराव येंडे भाऊराव पंत राजकुवर, राम भाऊजी ढाकूलकर, कृष्णाजी वाघाडे, प्रकाश जाधव, विष्णूजी कांबळे, प्रकाश भांगे, गजानन बहादुरकर, सौ सरलताई येंडे, किलोर ताई, सावरकर ताई, ढोक ताई, या सर्वांनी परिश्रम घेतले. कार्यक्रमाचे संचालन श्री प्रमोद भोंगे दादा यांनी केले तर आभार प्रदर्शन श्री प्रकाश दादा निनावे सचिव यांनी केले.
कार्यक्रमाची सांगता महाप्रसाद आणि राष्ट्र वंदनेने झाली.